რწმენის ტაძარი

  ჯერ  კიდევ  ქრისტეშობამდე,  წარმართი  ერები  ეთაყვანებოდნენ  ე.წ.  სამება  ღმერთებს.  მაგალითისათვის  წარმოგიდგენთ  ეგვიპტურ, სირიულ, ინდურ და  ნორვეგიულ  სამება ღმერთებს.

    ეგვიპტური                     სირიული სამება

       ინდური სამება                   ნორვეგიული     

     ქრისტიანულ   რელიგიებში   ფართოდაა  გავრცელებული  სწავლება  სამების  შესახებ. თითქოს მამა, ძე და  სულიწმინდა  არის ერთი და იგივე, თანაბარუფლებიანი  პიროვნება.   თუმცა  ბიბლიაში  არ  გვხვდება  არც ერთი  სიტყვა ”სამება”.  პირიქით, წმინდა  წერილები  იუწყებიან  ”ერთადერთ  ჭეშმარიტ  ღმერთზე”.  ბიბლიაში  მრავლადა  იმის  დამადასტურებელი, რომ  მამა ღმერთი  და  ძე იესო  ქრისტე  ორი სხვადასხვა  პიროვნებაა. იესო ყოველთვის  ხაზს  უსვამდა მამის უპირატესობას.    ყველასათვის  კარგად  ცნობილი  ლოცვა ”მამაო ჩვენო” მიანიშნებს  მამის  უპირატესობას.   თვით  იესოც, თხოვნით და ლოცვით  მიმართავდა  ღმერთს. თუ მამა და ძე ერთი და იგივე პიროვნება, გამოდის რომ ქრისტე საკუთარ თავს მიმართავდა თხოვნით?   ეს  აბსურდია.   ქრისტეს  შესახებ  ბიბლია  გვამცნობს, რომ ის არის  ღმერთის  ყველაზე  პირველი ქმნილება. ”ვინც არის უხილავი  ღვთის  ხატება, პირმშო  ყოველი  ქმნილებისა” (კოლასელთა 1: 15). 

   სხვა განმასხვავებელი ნიშანი  მამასა  და ძეს  შორის, არის  იესოს სიტყვები:”ესაა საუკუნო  სიცოცხლე,  რომ  გიცნობდნენ  შენ,  ერთადერთ  ჭეშმარიტ  ღმერთს  და  მას  ვინც  მოავლინე  -  იესო  ქრისტეს” (იოანე17: 3).  აქ  საუბარია  ორ  ერთმანეთისგან დამოუკიდებელ  პიროვნებაზე. აღსანიშნავია, რომ იესო და შემდგომ მოციქულები  არასოდეს  ასწავლიდნენ  სამების  შესახებ.  საკითხავია, თუ  საიდან  შემოვიდა  ქრისტიანულ  რელიგიაში სწავლება  სამების  შესახებ.  წარმართული  რელიგიები  და  ტრადიციები  ხშირად  ერწყმოდნენ  ღვთის  სიტყვას. საუკუნეების  მანძილზე ხდებოდა  ჭეშმარიტების (ღვთის სიტყვის) დაბინძურება ”კაცთა  მოძღვრებით”  და  ამგვარი  სწავლებები  დღემდე  შემორჩა.  

  რა  შეიძლება  ითქვას  სულიწმინდის  შესახებ?  არის თუ  არა ის  პიროვნება ?  ბიბლიიდან  ნათლად  ჩანს,  რომ  სულიწმინდა  არის ღვთის  მოქმედი  ძალა,  რომლის  საშუალებითაც  ღმერთი  აღასრულებს  სასწაულმოქმედ  ზრახვებს. 

 ერთხელ  იოანე  ნათლისმცემელმა  თავის  მოწაფეებს  მიმართა: ”მე წყლით  გნათლავთ  მოსანანიებლად; მაგრამ  ჩემს  შემდეგ  მომავალი  ჩემზე  ძლიერია, ..........    ის მოგნათლავთ  თქვენ  სულიწმინდით  და  ცეცხლით” (მათე3:11).   აქედან ვასკვნით, რომ  როგორც  წყალი არაა პიროვნება, ასევე არაა პიროვნება  სულიწმინდა.  ნათლობისას  იესო ცხებულ  იქნა  სულიწმინდით  და  სწორედ  ამის  მერე  დაიწო  მან  აქტიური  რელიგიური მოღვაწეობა.  ის  რომ  სულიწმინდა  არის  ღვთის  ძალა  და არა  დამოუკიდებელი  პიროვნება  ჩანს  შემდეგი  მოვლენიდანაც; ”პეტრე  ჯერ  კიდევ  ლაპარაკობდა  ამ  სიტყვას,  რომ  სულიწმინდა გადმოვიდა ყველაზე,  ვისაც  ესმოდა  ეს  სიტყვა”   (საქმეები 10: 44).    

  და  ბოლოს; ის რომ სულიწმინდა  არაა  დამოუკიდებელი  სუბსტანცია ჩანს   იესოს  სიტყვებიდანაც,  როდესაც  ის  შეპირდა  თავის მოწააფებს   ნუგეშისმცემლის  თაობაზე; ”მე  მამას  შევევდრები და  ის  სხვა  ნუგეშისმცემელს  მოგიგზავნით,  რათა  თქვენთან  იყოს  საუკუნოდ” (იოანე14: 16).